Xəbərlər

13 kiloqrama yaxın narkotik vasitə və 4180 ədəd narkotik xassəli həb qanunsuz dövriyyədən çıxarılıb

Baş Narkotiklərlə Mübarizə İdarəsinin əməkdaşlarının keçirdikləri əməliyyatlar zamanı 13 kiloqrama yaxın narkotik vasitə və 4180 ədəd narkotik xassəli həb qanunsuz dövriyyədən çıxarılıb

Baş Narkotiklərlə Mübarizə İdarəsinin əməkdaşları tərəfindən narkotik vasitə və psixotrop maddələrin satışı və qanunsuz dövriyyəsi ilə məşğul olan şəxslərə qarşı əməliyyatlar davam etdirilir.
Daxil olmuş əməliyyat məlumatı əsasında həyata keçirilən tədbir zamanı əvvəllər məhkum olunmuş Elvin Səlimbəyli saxlanılıb. Onun üzərinə baxış zamanı 100 qram, yaşadığı mənzildən 1 kiloqram 208 qram heroin, 240 qramdan artıq psixotrop maddə olan metamfetamin, 271 qram tiryək, 660 ədəd preqabalin, 2240 ədəd metadon həbləri və 2 ədəd elektron tərəzi aşkar edilərək götürülüb.
Araşdırma zamanı müəyyən edilib ki, Elvin Səlimbəyli narkotik vasitələri və həbləri Zaur Abbasov adlı şəxsdən onlayn yolla satmaq məqsədi ilə əldə edib. O, həmin şəxsin bank kartına pul yükləyəndən sonra narkotik vasitələri müəyyən edilən yerdən götürüb.
Əməliyyat tədbirlərinin davamı olaraq narkotik vasitələrin onlayn satışı ilə məşğul olan Zaur Abbasov da saxlanılaraq Baş İdarəyə gətirilib. Onun üzərinə baxış zamanı 18 qram metamfetamin, 12 qrama yaxın heroin, 80 ədəd metadon həbi, 1 ədəd elektron tərəzi və narkotik vasitələrin satışı zamanı pul vəsaitlərinin köçürüldüyü 2 ədəd plastik kart aşkar edilərək götürülüb. Zaur Abbasov isə ifadəsində narkotik vasitələri sosial şəbəkələrdə tanış olduğu xarici ölkələrdən birinin vətəndaşından satmaq məqsədi ilə aldığını bildirib. O, narkotik vasitələrin satışından əldə etdiyi pulları kart hesablarında toplayandan sonra maliyyə hesabatını həmin şəxsə göndərirmiş.
Baş İdarə əməkdaşları tərəfindən keçirilən daha bir əməliyyat zamanı isə narkotiklərin qanunsuz dövriyyəsi ilə məşğul olan əvvəllər məhkum edilmiş Zaur Əliyev də saxlanılıb. Onun üzərindən 186 qrama yaxın psixotrop maddə olan metamfetamin, 1 kiloqram 850 qram heroin aşkar edilib. Zaur Əliyevin yaşadığı evdən isə əlavə olaraq 1000 ədəd metadon və 200 ədəd tramadol həbləri, 560 qram heroin və 1 ədəd elektron tərəzi polislər tərəfindən götürülüb.
Baş İdarənin əməkdaşları tərəfindən keçirilən növbəti əməliyyat zamanı İmaməddin Məhərrəmov tutulub. Onun üzərinə baxış zamanı 43 qrama yaxın heroin, yaşadığı evdən 4 kiloqram 144 qram heroin, 613 qram psixotrop maddə metamfetamin, 3 kiloqram 180 qram marixuana və 1 ədəd elektron tərəzi aşkar edilib.
Həyata keçirilən sonuncu silsilə əməliyyatlar zamanı Baş İdarənin əməkdaşları tərəfindən 13 kiloqrama yaxın müxtəlif növ narkotik vasitə və psixotrop maddə, o cümlədən satışı qadağan edilmiş 4180 ədəd narkotik xassəli həblər qanunsuz dövriyyədən çıxarılıb.
Faktlarla bağlı Cinayət Məcəlləsinin müvafiq maddələri ilə cinayət işi başlanılıb, adları çəkilən şəxslərin hər biri tutularaq istintaqa təqdim olunublar. Əldə edilən narkotik vasitələrin mənbələrinin və ölkəmizə gətirilmə mexanizmlərinin aşkar edilməsi istiqamətində zəruri istintaq, eləcə də əməliyyat-axtarış tədbirləri davam etdirilir.

  • Ad: Radjabov HafizŞərh: Bunlari cekib qoyusuz bes mehv edilmesini niye cekib qoymusuz? Gosterinki mehv edildi onda deyerem halal olsun.
  • Ad: Vəkil Vamiq ŞükürovŞərh: Mən Bakı şəhərində yerləşən Femida Vəkil Bürosunun vəkili olaraq Xaçmaz RPŞ-nin İstintaq qrupuna gedərkən Nasosnu qəsəbəsində Bakı-Quba yolunda qurulmuş postda qanunsuz olaraq məni Xaçmaz  şəhərinə getməyə qoymadılar. Halbuki Nazirlər Kabinetinin qərarına əsasən xidməti vəsiqəni təqdim edərək ölkə ərazisində sərbəst hərəkət etmək hüququm vardır. Bunları polis əməkdaşlarına bildirsəm də heç bir faydası olmadı. Dəfələrlə 102 xidmətinə zəng etdim, lakin mənə qanunsuzluğun aradan qaldırılmasında heç bir köməklik olunmadı. Bu postun rəhbərini belə tapa bilmədilər. Sıravi polis nəfərinə (yolda birbaşa buraxılışa nəzarət edirdi) 102 xidmətindən onunla danışmaq istədiklərini bildirsəm də, o danışmaqdan imtina etdi. Düz bir saatdı gözləyirəm. Xahiş edirəm mənim hüququmu bərpa edin və qanunsuz hərəkətlərə yol verən şəxsləri cəzalandırın. Əlaqə üçün:0502708588
  • Ad: Sahmali BaylarovŞərh: Eşq olsun Polisimizə. Narkotikə güzəşt yox.
  • Ad: POLİS_KAPİTANI ZrFŞərh: Allah qorusun sizleri
  • Ad: Elmir RustemŞərh: Allah ömrünüzü uzun etsin Azərbaycan polisi camahatin usaglarini bədbəxt edənləri bax belə məhv edin bravo
  • Ad: Ələkbərov ƏləkbərŞərh: Allah qorusun Azərbaycan Polisini
Cavab yaz

Your email adress will not be published ,Requied fileds are marked*.