Xəbərlər

Bakıda 17 evdən oğurluq edən 5 nəfərdən ibarət dəstənin üzvləri saxlanılıblar

Sabunçu Rayon Polis İdarəsi və 15-ci Polis Bölməsinin əməkdaşları tərəfindən həyata keçirilən əməliyyat zamanı silsilə mənzil oğurluğu etməkdə şübhəli bilinən dəstə üzvləri saxlanılıblar. Əməliyyat nəticəsində paytaxt sakinləri Zamin, Firuz və Orxan Əliyev qardaşları, Nazim Ələsgərov, eləcə də, Əkbər Əsədov tutulublar. İlkin araşdırma zamanı müəyyən edilib ki, dəstə üzvləri Sabunçu rayonu Zabrat və Balaxanı qəsəbələrində 4, digər rayonların ərazilərində isə 13 fərdi yaşayış evindən pul və qızıl-zinət əşyaları oğurlayıblar. İstintaq zamanı onların təkcə Sabunçu rayonunda törətdikləri oğurluqlarda zərərçəkən şəxslərin ümumilikdə 45 min manatdan artıq qızıl-zinət əşyalarını oğurladıqları məlum olub.

Qeyd edilən faktlarla bağlı Sabunçu Rayon Polis İdarəsinin İstintaq Şöbəsində Cinayət Məcəlləsinin müvafiq maddələri ilə cinayət işi başlanılıb. Saxlanılan şəxslərin qanunsuz əməllərindən zərərçəkən başqa vətəndaşlar varsa bu barədə ərazi polis orqanlarına, habelə DİN-in “102” Xidməti Zəng Mərkəzi Sistemi ilə əlaqə saxlayaraq məlumat verə bilərlər.

  • Ad: Sadiq CabbaRovŞərh: insanin pulu olmadi son umidi qizili zinet ewyasidi. insanin son umidini ogurlamaga ne ad vermey olar. Allah weytana nelet elesin. Belelerinnen hamini uzag elesin.
  • Ad: Sedaqet QuliyevaŞərh: Allah bəlalarırını versin dili qurumuş mənim qızıllarımıda oğurlayıb utanmaz-utanmaz hələ danışır
  • Ad: YPX GENERALŞərh: Azərbaycan Polisi 🇦🇿💪🏻
Cavab yaz

Your email adress will not be published ,Requied fileds are marked*.