Xəbərlər

Bakıda avtomobillərin səsboğucu sistemlərini oğurlayan şəxs polislər tərəfindən saxlanılıb

Paytaxtın Nizami rayonunda yaşayan Bakı şəhər sakini olan bir nəfərin idarə etdiyi “Toyota Prado” markalı avtomobilin dəyəri 2000 manat olan səsboğucu sistemi (katalizator) naməlum şəxs tərəfindən oğurlanıb. Zərərçəkən şəxs bu barədə ərazi üzrə Nizami Rayon Polis İdarəsinin 24-cü Polis Şöbəsinə məlumat verib.

Şöbə əməkdaşları tərəfindən dərhal hadisə nəzarətə götürülüb. Həyata keçirilən əməliyyat-axtarış tədbirləri nəticəsində müəyyən edilib ki, nəqliyyat vasitəsinin səsboğucu sistemi Binəqədi rayon sakini, əvvəllər məhkum olunmuş Talıb Ağalarov tərəfindən oğurlanıb. Nizami RPİ-nin 24-cü Polis Şöbəsinin əməkdaşları tərəfindən saxlanılan həmin şəxs ifadəsində törətdiyi hadisəni etiraf edib və oğurladığı səsboğucu sistemi Sumqayıt şəhərində 300 manata satdığını bildirib. Araşdırma zamanı Talıb Ağalarovun icarəyə götürdüyü daha bir “Toyota Prado” markalı avtomobilin də eyni üsulla səsboğucu sistemini oğurladığı məlum olub.

Qeyd edək ki, saxlanılan şəxsin paytaxt ərazisində, eləcə də digər şəhər və rayonlarda da başqa nəqliyyat vasitələrinin səsboğucu sistemlərini oğurladığı istisna olunmur. Onun idarə etdiyi nəqliyyat vasitəsindən səsboğucu sistemləri kəsib əldə etmək üçün istifadə etdiyi xüsusi alətlərin aşkar edilməsi bu fikri irəli sürməyə əsas verir. Bu səbəbdən Talıb Ağalarovun ətrafında əməliyyat-axtarış tədbirlərinin davam etdirilməsi üçün onun barəsində 24-cü Polis Şöbəsində toplanan materiallar Nizami RPİ-nin İstintaq Şöbəsinə göndərilib. Araşdırmalar davam etdirilir.

  • Ad: Anar MeheremovŞərh: bunun lap başı qaçıb)
  • Ad: Sultan YarbayŞərh: Daxili işlər Nazirliyinin rəhbər heyətini səmimi qəlbdən salamlayıram!

    Görün, bu vətəndaşlar nə qədər rəzilləşiblər ki, belə səviyyəsiz işlərə əl qoyurlar. Ümumiyyətlə, şəhərdə bu videoda göstərilən adamın timsalında xeyli tüfeyli, yararsız və başıpozuq insan kütləsi vardır. İş-gücləri yalnız sadə vətəndaşlara maddi-mənəvi və fiziki ziyan vurmaqdan ibarətdir. Elələri ən ağır cəzalara layiqdir! Yaramaz adamlar nə vətənə, nə millətə və nə də ki, dövlətə lazım deyildir.
Cavab yaz

Your email adress will not be published ,Requied fileds are marked*.