Xəbərlər

Taksi şirkətinə məxsus 5 ədəd “Daewoo” markalı nəqliyyat vasitəsinin səsboğucu sistemi oğurlanıb.

Binəqədi rayonunda yerləşən “Ağ Şəhər” taksi şirkətinə məxsus müxtəlif şəxslərə icarəyə verilən 5 ədəd “Daewoo” markalı nəqliyyat vasitəsinin ümumi dəyəri 2500 manat olan səsboğucu sistemi, yəni katalizatoru oğurlanıb. Bu barədə ərazi üzrə Binəqədi Rayon Polis İdarəsinin 5-ci Polis Bölməsinə məlumat verilən kimi dərhal araşdırmalara başlanılıb. Məlum olub ki, nəqliyyat vasitələrinin katalizatorları elə həmin maşınları icarə əsasında idarə edən sürücülər tərəfindən, vətəndaş Pərvin Rəhimlinin təklifi əsasında oğurlanıb. Bölmə əməkdaşları tərəfindən həyata keçirilən əməliyyat nəticəsində həmin şirkətə məxsus taksiləri idarə edən sürücülər Gündüz Nəcəfov, Pərvin Rəhimli, Murad Nəcəfov, Seymur Şamilov və oğurluq katalizatorları alan Qabil Babayev saxlanılıb.

Araşdırma zamanı müəyyən edilib ki, Pərvin Rəhimli şirkətə məxsus avtomobilin katalizatorunu satmaq üçün Qabil Babayevin təmir sexinə gətirdiyi sürücülərin hər birinə görə ondan 70 manat pul alıb. Saxlanılan şəxslər ifadələrində etdikləri əməli etiraf ediblər. Qeyd edək ki, katalizator sistemi bilərəkdən çıxarılan və ya işlək vəziyyətdə olmayan nəqliyyat vasitələri atmosferə normadan artıq zərərli qazlar buraxırlar. Bu isə ekologiyanın pozulması kimi qiymətləndirilir.

Saxlanılan şəxslər barəsində 5-ci Polis Bölməsində toplanan materiallar araşdırmanın davam etdirilməsi üçün Binəqədi RPİ-nin İstintaq Şöbəsinə göndərilib.

  • Ad: Kamil İsgəndərliŞərh: Polisimizin sayıqlığı👍ALLAH kömək olsun💙❤💚
  • Ad: Resad QuliyevŞərh: Tamahkar insan neye lazimsan heyf
  • Ad: Khalid SalahovŞərh: Oğurlamaq günahdır. Çox səhv yoldur həqiqətən.
Cavab yaz

Your email adress will not be published ,Requied fileds are marked*.